Markazning Zarur amaliyotlar (GxP) inspektorati bo'limi o'z faoliyatini O'zbekiston Respublikasi Vazirlar Mahkamasining 2019 yil 18 sentyabrdagi "Farmatsevtika sohasiga zarur amaliyotlar (GxP) talablarini joriy etish bo'yicha qo'shimcha chora-tadbirlar to'g'risida" gi 788-son Qaroriga muvofiq amalga oshiradi.

Ushbu Zarur amaliyotlar (GxP) inspektorati bo'limi quyidagi funksiyalarni bajaradi:

- Mahalliy farmatsevtika korxonalari va tashkilotlarida Zarur amaliyotlar (GxP) standartlari talablariga muvofiqlik yuzasidan sertifikatlash maqsadida joyiga chiqgan holda farmatsevtik inspeksiyalar o'tkazish;

- Mahalliy farmatsevtika korxonalari va tashkilotlarida Zarur amaliyotlar (GxP) standartlari talablariga muvofiqlik yuzasidan berilgan sertifikat amal qilish davrida belgilangan talablarga muvofiqligini tasdiqlash maqsadida joyiga chiqgan holda davriy inspeksiya nazoratini amalga oshirish;

- Dori vositalarini O'zbekiston Respublikasida Davlat ro'yxatidan o'tkazish jarayonida xorijiy farmatsevtik ishlab chiqarish korxonalarida "Zarur ishlab chiqarish amaliyoti - GMP" talablariga muvofiqlik yuzasidan joyiga chiqgan holda farmatsevtik inspeksiyalar o'tkazish hamda natijalari bo'yicha o'rnatilgan tartibda hulosalar berish.