404
GPP uchun online ariza topshirish O`quv kursi
Ру Ўзб O'z En
Ру Ўзб O'z En
404 404

Фармацевтика тармоғи ва республика соғлиқни сақлаш тизимидаги ташкилотларни зарур амалиётлар (GxP) талабларига мувофиқ мажбурий сертификатлаш муддатлари 2024 йил 1 январ этиб белгиланган

Фармацевтика тармоғи ва республика соғлиқни сақлаш тизимидаги ташкилотларни зарур амалиётлар (GxP) талабларига мувофиқ мажбурий сертификатлаш муддатлари 2024 йил 1 январ этиб белгиланган

GхP талабларини жорий қилишнинг асосий ютуқлари Аҳолини сифатли, хавфсиз ва безарар дори воситалари билан таъминлаш, корхона ҳодимлари ўзларига юклатилган вазифаларни ўз вақтида сифатли бажаришини, фармацевтика маҳсулотлари хавфсизлигига ишончни ҳужжатлар билан тасдиқланишини, корхоналарда халқаро талабларга жавоб берадиган сифат тизимини яратилишини, маҳаллий махсулотларни рақобатбардошлигини ҳамда чет эл давлатларига экспорт қилиниши учун кенг йўл очиб берилишини таъминлашдан иборат.

Ушбу вазифаларни амалга ошириш мақсадида Ўзбекистон Республикаси Президентининг 2019 йил 10 апрелдаги 5707-сон Фармонига биноан фармацевтика тармоғи ва республика соғлиқни сақлаш тизимидаги ташкилотлар 2022 йил 1 январга қадар тегишлилиги бўйича GхP талабларига мувофиқ мажбурий сертификатлаштирилиши лозимлиги белгиланган бўлиб, кейинчалик бу муддат Президентининг 2022 йил 21 январдаги 55-сон Фармонига асосан 2024 йил 1 январга қадар узайтирилган.

Шунингдек мазкур Фармонга биноан 2022 йил 1 апрелдан фармацевтика соҳасида янги ишлаб чиқарувчи корхоналар, улгуржи ва чакана савдо ташкилотлари мос равишда «Зарур ишлаб чиқариш амалиёти (GMP)», «Зарур дистрибьюторлик амалиёти (GDP)» ва «Зарур фармацевтика (дорихона) амалиёти (GPP)» талабларига мувофиқ равишда ташкил этилиши белгиланган.

Бундан ташқари, Ўзбекистон Республикаси Президентининг 2022 йил 26 октябрдаги 411-сонли Қарорига асосан 2023 йил 1 январдан бошлаб “Ўзбекистон Республикасида давлат рўйхатидан ўтказишда клиник тадқиқотлар ва ишлаб чиқариш шароитлари «Зарур ишлаб чиқариш амалиёти - GMP» талабларига мувофиқлиги бўйича ўрганишлар ўтказиш талаб этилмайдиган дори воситалари” рўйхатида белгиланган дори воситаларидан ташқари барча янги дори воситалари клиник тадқиқотларнинг ижобий натижаси асосида ҳамда жойига чиққан ҳолда ишлаб чиқариш шароитларининг «Зарур ишлаб чиқариш амалиёти — GMP» талабларига мувофиқлиги ўрганилганидан сўнг Ўзбекистон Республикасида давлат рўйхатидан ўтказилиши белгиланди.

Бугунги кунда республикада дори воситаларини ишлаб чиқарувчи маҳаллий корхоналар сони 82 тани ташкил этиб, уларнинг 40 тасида, жами 147 та ишлаб чиқариш линияларида “Зарур ишлаб чиқариш амалиёти - GMP” “Ўзбекистон Республикаси Давлат стандарти талаблари жорий қилинган.

Фармацевтика маҳсулотларини улгуржи сотиш билан шуғулланувчи 600 га яқин маҳаллий корхоналар мавжуд бўлиб, уларнинг 117 тасида “Зарур дистрибюторлик амалиёти - GDP” Ўзбекистон Республикаси Давлат стандарти талаблари жорий қилинган.

Клиник тадқиқотлар ўтказувчи клиник базалар сони 88 та, фармацевтика маҳсулотларини чакана реализация қилувчи дорихоналар сони 16 мингга яқин бўлиб уларнинг бирортаси ҳам “Зарур клиника амалиёти - GCP” ва “Зарур дорихона амалиёти – GPP” сертификатларини олмаган.

Келтирилган маълумотлардан кўриниб турибдики фармацевтика тармоғи ва республика соғлиқни сақлаш тизимидаги ташкилотларнинг аксарияти тегишлилиги бўйича GхP талабларини ўз иш фаолиятида жорий қилмаган.

Юқорида келтирилган Президент фармонларига асосан 2024 йил 1 январга қадар GхP давлат стандарти жорий этилмаган тақдирда, мазкур ҳолат лицензия талаб ва шартлари бузилиши ҳисобланиб, фармацевтика фаолияти учун берилган лицензиянинг амал қилишини тўхтатиб қўйиш ёки бекор қилиш учун асос бўлиши ҳақида эслатиб ўтмоқчимиз.

Юқоридагилардан келиб чиқиб, Фармацевтика тармоғини ривожлантириш агентлиги фармацевтика тармоғи ва республика соғлиқни сақлаш тизимидаги ташкилотларида GxP  талабларини жорий этиш ва модернизация ишларини олиб бориш бўйича лойиҳаларни ишлаб чиқиш ҳамда ўрнатилган муддатлар ичида амалга оширишга чақириб қолади ва бу масалада амалий ёрдам беришга тайёр эканлигини маълум қилади.

Фармацевтика тармоғини ривожлантириш агентлигида GxP талабларини жорий этиш бўйича лойиҳаларни ишлаб чиқишга, юзага келаётган савол ва муаммоларни ҳал этишга кўмаклашиш мақсадида доимий фаолият юритувчи Ишчи гуруҳ тузилган бўлиб, улар билан +99871 203-81-81 ички 153, 156, 157 ва 192  рақамлари орқали боғланишингиз мумкин.

Нажмите на кнопку ниже, чтобы прослушать текст Powered by GSpeech